غدر الزمان يا قلبي ما لهوش أمان
وحاييجي يوم تحتاج لحبة إيمان
قلبي ارتجف وسألني ..أأمن بإيه
أأمن بإيه محتار بقي لي زمان
عجبي
ّّّّّّّّّّّّّّّّّّ
أحب اعيش ولو أعيش في الغابات
أصحي كما ولدتني أمي وابات
طائر.. حُوان.. حشرة.. بشر.. بس أعيش
محلا الحياة.. حتي في هيئة نبات
عجبي
سَهٌير ليالي وياما لفٌيت وطفت
وفي ليلة راجع في الظلام قمت شفت
الخوف.. كأنه كلب سد الطريق
وكنت عاوز أقتله ... بس خفت
عجبي
عجبتني كلمة من كلام الورق
النور شرق من بين حروفها وبرق
حبيت أشيلها ف قلبي ..قالت حرام
ده أنا كل قلب دخلت فيه اتحرق
عجبي
مع أن كل الخلق من أصل وطين
وكلهم بيـنـزلوا مغـــــــــــمضـين
بعد الدقايق والشهـــــور والسنين
تلاقي ناس أشرار. وناس طيبين
عجبي
عجبي عليك.. عجبي عليك يا زمان
يا بو البدع يا مبكي عيني دمــــــــاً
إذاي أنا أختار لروحي طريــــــــق
وانا اللي داخل في الحياة مُرغمــــأًُ
عجبي
ياللي نصحت الناس بشرب النبـــــــــــيت
مع بنت حلوة .. وعود، وضحك ، وحديت
مش كنت تنصحهم منين يكســــــــــــــــبوا
تمن ده كله؟......... ولا كــــــــــنت نسيت
عجبي
ما حد في الدنيا دي واخد جازاتـــه
ولا حد بيفكر في غير لذاذاتـــــــــه
ما تعرفيش يا حبيبتي أنا وانت مين
إنت عروس النيل وأنا النيل بذاتــه
عجبي
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي
رقبة قزازة وقلبي فيها انحشر
شربت كاس واتنين وخامس عشر
صاحبت ناس م الخمرة ترجع وحوش
وصاحبت ناس م الخمرة ترجع بشر
عجبي
كل اللي في الخمارة صابهم جنون
صبحوا الرجال يتبادلوا كاس المنون
وبدم ونبيت انكتب ع الجدار
يا ميت ندامة ع اللي قلبه حنون
عجبي
قالو الشقيق بيمص دم الشقيق
والناس ما هٌياش ناس بحق وحقيق
قلبي رميته وجبت غيره حجر
داب الحجر... ورجعت قلبي رقيق
عجبي
يوم قلت آه سمعوني قالوا فسد
ده كان جدع قلبه حديد واتحسد
رديت علي اللايمين أنا وقلت آه
لو تعرفوا معني زئير الأسد
عجبي
ليه يا حبيبتي ما بيننا دايما سفر-
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي
أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي
إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي
جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن عجبي كل شئ موجود
عجبي
أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال
لابد ما يموت شئ عشان يحيا شئ
عجبي
أسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر
عجبي
علي بــعد ملـــيون مــيل من أرضنا
من الفــراغ الــكوني بصــيت أنـا
لا شفت فرق ما بين جبال و بحور
ولا شفت فرق ما بين عذاب أو هنا
عجبي
كروان جريح مضروب شعاع م القمر
وقع من السموات فؤاده انكسر
جريت عليه قطة عشان تبلعه
أتاريه خيال شعرا ومالهوش أثر
عجبي
أنا كنت شيء وصبحت شيء ثم شيء
شوف ربنا قادر على كل شيء
هز الشجر شواشيه وشوشني قال
لابد مايموت شيء عشان يحيا شيء
عجبي
دخل الشتا قفل البيبان عالبيوت
وجعل شعاع الشمس خيط عنكبوت
وحجات كتير بتموت في برد الشتا
لكن حاجات اكتر بترفض تموت
وعجبي
ليه ياحبيبتي مابيننا دايماً سفر
ده البعد ذنب كبير لا يغتفر..
وليه ياحبيبتي مابيننا دايماً بحور
أعدي بحر الاقي غيره اتحفر
وعجبي
ياقرص شمس مالهش قبة سما
ياورد منغير ارض شب ونما
ياأي معنى جميل سمعنا عليه
الخلق ليه عايشين حياة مؤلمة
وعجبي
الدنـيا أوضــة كبــيرة للإنـتظار
فيـها ابن آدم زيه زي الحــمار
الهــم واحــد والمــلل مشــترك
ومافيش حمار بيحاول الإنتحار
عجبي
سهّــير ليـــالي ويــامــا لفــــيت وطــفت
وف ليلة كنت راجع في الضلام قمت شفت
الخـــوف .. كأنه كلــب بيســد الــطريــق
وكنـــت عــاوز أقتــله .. بس خــفت
عجبي
يا للى ف الشمس تلقى الملاذ
وألف بكره وبكره فى ضلوعه لاذ
مين أنت ؟ مارد ؟ رب ؟ قال لأ ده بس
انا اللى بروى القمح واسقى الفولاذ
عجبى
وقفت ساعة الصبح باغسل سنانى
قالت لى شايف قوتى ولمعانى ؟
ايش تطلب اليوم منى ضحكة أسد
والا ابتسامة اعلانات أمريكانى
عجبى
علقت في المسمار قناع مهزلة
ومعاه قناع مأساة بحزنه ابتـــلا
بصيت لقيتهم يشبهوا بعضهـــم
واهو ده العجب يا ولاد و الا فلا
عجبي
ظهر المسيح الحي علي سفح ربـــــــــوة
و نزل بهالة الضي و قعد في قهـــــــــوة
بصوا .. تعالوا .. قالوا خليه في حالــــــــه
الناس في حالهم يا بني .. مالهمش دعوة
عجبي
ولدي نصحتك لما صوتي اتنبح
ماتخافش من جني ولا من شبح
وان هب فيك عفريت قتيل ابقى اسأله
مادافعش عن نفسة ليه يوم ماندبح
وعجبي
خوض معركتها زي جدك ما خــــاض
صالب و قالب شفتك بامتـــــــــــعاض
هي كده...ما تنولش منها الأمـــــــل,
غير بعض صد ورد ووجاع مخاض
عجبى
باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي
يا وردة قلبي معاكي في الريح لعب
لا تعبتي م الريح و لا قلبي تعــــــــب
احنا كده : نرتاح في صخب الجنون
و في السكون بنخاف قوي و نترعب
عجبي
أنا قلبي كورة و الفراودة أكــــــــــم
ياما اتنطح و انشاط و ياما اتعكـــــم
و اقول له كله ح ينتهي في المعـــاد
يقول بساعتك ؟ و الا بساعة الحكم ؟
عجبي
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي
يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي
لو اتضنيت و فنيت وعمري انفرط
مش عاوز الجأ للحلول الوسـط
و كمان شطط و جنون مانيش عاوز
يا مين يقول لي الصح فين والغلـط
عجبي
عاد الربيع كأنه طعم الحب
و الحب نار جوه العروق بتصـب
اتمتع ازاي بيه وانا متقطع
من كتر خوفي لا في الخطيئة يطب ؟
عجبي
مرحب ربيع مرحب ربيع مرحبــــــــــه
يا طفل يا للي ف دمي ناغا وحبــــــــا
علشان عيونك يا صغنن هويــــــــــــت
حتي ديدان الأرض و الأغربــــــــــــــة
عجبي
نسمة ربيع لكن بتكوي الوشـوش
طيور جميلة بس من غير عشـوش
قلوب بتخفق إنما وحـدها
هي الحياه كده .. كلها في الفاشوش
عجبي
طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي
و الكون ده كيف موجود من غير حدود
و فيه عقارب ليه , تعابين ودود
عالم مجرب فات و قال سلامات
ده ياما فيه سؤالات من غير ردود
عجبي
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي
ياللي في حماه الشمس تلقي المــــلاذ
و ألف بكره و بكره .. في ضلوعه لاذ
مين أنت ؟ مارد ؟ رب ؟ قال لأ ده بس
انا اللي باروي القمح و اسقي الفــولاذ
عجبي
ياللي بتبحث عن إله تعــــــــــــبده
بحث الغريق عن أي شئ ينجـــده
الله جميل و عليم و رحمن رحــيم
أحمل صفاته .. وانت راح توجده
عجبي
أنا إله الوجد رب الهيام
أضرب بسهم الوهم وهم الغـرام
و هم الغرام من كتر ما هو لذيـذ
رشقت انا ف صدري جميع السهام
عجبي
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي
كرباج سعاده وقلبي منه اجلد
رمح كأنه حصان و لف البلد
و رجع لي نصل الليل و سألني .. ليه
خجلان تقول انك سعيد يا ولد
عجبي
علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي
الضحك قال يا سم ع التكشيـــــــر
امشير و طوبه وانا ربيعي بشيـر
مطرح ما باظهر بانتصر ع العدم
انشالله أكون رسماية بالطباشيــر
عجبي
يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي
علقت في المسمار قناع مهزلة
ومعاه قناع مأساة بحزنه ابتـــلا
بصيت لقيتهم يشبهوا بعضهـــم
واهو ده العجب يا ولاد و الا فلا
عجبي
حاسب من الاحزان و حاسـب لها
حاسب علي رقابيك من حبلها
راح تنتهي و لابد راح تنتهي
مش انتهت أحزان من قبلها؟
عجبي
فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي
غمست سنك في السواد يا قلـم
عشان ما تكتب شعر يقطر ألـم
مالك جرالك إيه يا مجنون ... و ليه
رسمت ورده وبيت و قلب و علـم
عجبي
مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى
عجبى عليك يا زمن يا أبو البدع
يا مبكى عينى دماً
ازاى اختار لروحى طريق؟
وأنا اللى داخل فى الحياة مرغماً
عجبى
مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا فى الحياة
وبكرة هاخرج منها شايلنى شيل
عجبى
سنوات وفايته عليا فوج بعد فوج
واحدة خدتنى ابن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج؟
عجبى
أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى
حبيت لكن حب من غير حنان
وصاحبت،لكن صحبة ملهاش أمان
رحت لحكيم وأكتر لقيت بلوتى
إن اللى جوة القلب موش ع اللسان
عجبى
ياما صادفت أصحاب وماصحبتهمش
وكاسات خمور وشراب ومشربتهمش
أندم ع الفرص اللى أنا سبتهم
والا ع الفرص اللى مسبتهمش
عجبى
غدر الزمان يا قلبى مالوش أمان
وهايجى يوم تحتاج لحبة إيمان
ارتجف وسألنى أأمن بإيه؟؟
أأمن بإيه محتار بقالى زمان
عجبى
يا باب أيا مقفول .. امتى الدخول؟
صبرت ياما واللى يصبر ينول
دقيت سنين والرد يرجعلى : مين؟؟
لو كنت عارف مين ... أنا كنت أقول
عجبى
سهير ليالى وياما لفيت وطفت
فى ليلة راجع فى الظلام قمت شفت
الخوف كأنه كلب سد الطريق
وكنت عاوز أقتله بس خفت
عجبى
أنا قلبى كان شخشيخة أصبح جرس
جلجلت بيه صحيوا الخدم والحرس
أنا المهرج قمتوا ليه؟؟ خفتوا ليه؟؟
لا فى إيدى سيف ولا تحت منى فرس
عجبى
دخل الربيع يضحك لقانى حزين
نده الربيع على اسمى لما قلت مين؟
حط الربيع أزهاره جنبى وراح
وإيش تعمل الأزهار للميتين؟
عجبى
مهبوش بخربوش الألم والضياع
قلبى ومنزوع من الضلوع انتزاع
يا مرايتى ياللى بترسمى ضحكتى
يا هل ترى ده وش ولا قناع؟؟
عجبى
ليه يا حبيبتى ما بينا دايماً سفر؟
ده البعد ذنب كبير لا يغتفر
ليه يا حبيبتى ما بينا دايماً بحور؟
أعدى بحر ألاقى غيره اتحفر
عجبى
ورا كل شباك الف عين مفتوحين
وأنا وأنتى ماشيين يا غرامى الحزين
لو التصقنا نموت بضربة حجر
ولو افترقنا نموت متحسرين
عجبى
نوح راح لحاله والطوفان استمر
مركبنا تايهة لسه موش لاقية بر
آه من الطوفان وآهين يا بر الأمان
إزاى تبان والدنيا غرقانة شر
عجبى
على رجلى دم ، نظرت له ما احتملت
على ايدى دم ، سألت: ليه؟ لما وصلت
على كتفى دم وحتى على راسى دم
أنا كلى دم أقتلت؟؟ ولا اتقتلت؟؟
عجبى
أنا كل يوم أسمع فلان عذبوه
أسرح فى بغداد والجزاير وأتوه
ما اعجبش من اللى يطيق بجسمه العذاب
واعجب من اللى يطيق يعذب أخوه
عجبى
ينبوع وفى الحواديت أنا سمعت عنه
سمعت إنه عجيب وف وسط لهاليب لكنه
شقيت كما الفرسان طرقى لقيت
حتى الخنازير والكلاب شربوا منه
عجبى
يا قرص شمس مالهوش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشين حياة مؤلمة
عجبى
شاف الطبيب جرحى وصف له الأمل
وعطانى منه مقام يا دوب ما اندمل
مجروح جديد يا طبيب وجرحى لهيب
ودواك فرغ منى وإيه العمل؟؟
عجبى
أعرف عيون هيا الجمال والحسن
وأعرف عيون تاخد القلوب بالحضن
وعيون مخيفة وقاسيةوعيون كتير
و باحس فيهم كلهم بالحزن
عجبى
إيش تطلبى يا نفس فوق كل ده؟
حظك بيضحك وأنتى متنكده
ردت قالت لى النفس: قول للبشر
ما يبصوليش بعيون حزينة كده
عجبى
إقلع غُماك يا تور وارفض تلف
إكسر تروس الساقية وأشتم وتف
قال: بس خطوة كمان وخطوة كمان
يا أوصل نهاية السكة ، يا البير يجف
عجبى
يا حزين يا قمقم تحت بحر الضياع
حزين أنا زيك وإيه مستطاع؟
الحزن مابقالهوش جلال يا جدع
الحزن زى البرد زى الصداع
عجبى
فى يوم صحيت شاعر براحة وصفا
الهم زال والحزن راح واختفى
خدنى العجب وسألت روحى سؤال
أنا مت؟؟ ولا وصلت للفلسفة؟؟
عجبى
الفيلسوف قاعد يفكر سيبوه
لا تعملوه سلطان ولا تصلبوه
ما تعرفوش أن الفلاسفة يا هوه
اللى يقولوه بيرجعوا يكدبوه؟
عجبى
على بعد مليون ميل من أرضنا
من الفراغ الكونى بصيت أنا
لا شفت فرق ما بين جبال أو بحر
ولا شفت فرق بين عذاب أو هنا
عجبى
إنسان إيا إنسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها يا موهوم مخلوقه لك؟؟
عجبى
نظرت فوقى للنجوم وأنا ساير
رجليا عترت فى الحفر والحجاير
بقيت أقول أنا والتراب : يا سلام
مش بس عبرة أخدت لكن عباير
عجبى
يا نجم نورك ليه كده بيرتجف؟
هو أنت قندل زيت؟ أو تختلف؟
أنا نجم عالى بس عالى قوى
وكل ما أنظر تحت أخاف انحدف
عجبى
السم لو كان فى الدوا منين يضر؟
والموت ولو لعدونا منين يسر؟
حط القلم فى الحبر وأكتب كمان
والعبد للشهوات منين هوا حر؟
عجبى
وقفت بين شطين على قنطرة
الكدب فين والصدق فين يا ترى؟
محتار أموت ، الحوت خرج لى وقال
هوا الكلام يتقاس بالمسطرة؟
عجبى
سراب فى مستشفى الولادة طويل
صرخات عذاب ورا كل باب وعويل
وفى الطريق متزوقين البنات
متزوقين للحب والمواويل
عجبى
الدنيا أوده كبيرة للانتظار
فيها ابن آدم زيه زى الحمار
الهم واحد والملل مشترك
ومفيش حمار بيحاول الانتحار
عجبى
أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبى
نسمة ربيع لكن بتكوى الوشوش
طيور جميلة بس من غير عشوش
قلوب بتخفق إنما وحدها
هيا الحياة كده كلها فى الفاشوش
عجبى
الأحد يوليو 29, 2007 5:37 am
