بسم الله الرحمن الرحيم
السلام عليكم ورحمه الله وبركاته
اليكى وحدك
ارسل لكى
***
جواب مكتوب عليه مخصوص عشانك؟!
***
تعالى اقولك لا بلاش خليك مكانك
حبعت جواب مليان عتاب مكتوب عليه مخصوص عشانك
حكتب واقولك اللى نفسى كنت اقوله وانتا جمبى
حكتب واصارحك وانتا عارف انى يوم ما عرفت اخبى
ماقدرش اعاتبك وانتا جمبى تصعب عليا
مقدرش اشوفك ودموع عنيك تجرى فعنيا
افتح جوابى وشوف عتابى اللى كتبته مخصوص عشانك
ايه سر حزنك يا حبيبى ايه غيرك
فين ابتسامه ضحكتك فين حلاوة غنوتك
فين كلامك الحنين اللى قاله موج لسانك
والا فرحه عنيك كانت تاخدنى فدنيا تانيه ساعه سلامك
واللى بنا يا حبيبى فاكر اللى بنا
اللى عشت سنين حياتى أبنى فيه
النهاردة شفت دمعه لحسن شاكى بتناجيه
النهارده سمعت صوته الحلو شاكى
منك انتا بيشتكى ليل سهرته عشانك
منك انتا بيشتكى ويقول دا عمرة فيوم ما خانك
دا مش عشانى لا عشانك
افتح جوابى وشوف عتابى اللى كتبته مخصوص عشانك
تايه معاك فبحر موجه شايفه عالى
عايش تأسى فدنيا فيها الفرح غالى
سارح تملى حتى وانتا بين اديا
تضحك عشانى وضحكتك مش بردة ليا
واضحك معاك واكلمك
مهما كان فعيونى دمعه او جراح
اقول يا دمعه قدينى شمعه تخلى ليلك اجمل صباح
دا كله برضه مش عشانى لا دا عشانك
خليك مكانك وانا كمان حفضل مكانى
افتح جوابى وشوف عتابى اللى كتبته مخصوص عشانك
وقبل ما ختم واقول سلام
عايز يجينى منك كلام
عايز كلام بتاع زمان مليان حنان
مش عاوز اتوة وسط الزحام
عايز اعرف انا فين
فى طريق الشوق اليك
عايز اعرف ابقى مين جوة قلبك وفعنيك
ماتقولش عارف
ماهو سر حزنك خلانى خايف
خايف لبكرة يطول عذابى
خايف لتكبر ويضيع شبابى
مش بس انا وكمان شبابك
خليك مكانك وانا كمان هفضل مكانى
نفس المكان نفس الزمان
دا حبنا مليان حنان
وانس العذاب وانس العتاب
دامفيش جواب مكتوب عليه مخصوص عشانك
دامفيش جواب مكتوب عليه مخصوص عشانك
دامفيش جواب مكتوب عليه مخصوص عشانك
الأحد يوليو 29, 2007 10:14 am
