تباين الشعوووووووووووووووور باختلاف الظروف

كان عايش قلبي فى يومه
عايش بيدارى همومـــه
عايش فى دنيا غريبـــه
عايش فى شتاه وفى صيفه
عايش فى صفاه وغيومــه
قابل قلب فى يوم وهـواه
قابل حب عرف معنــاه
قابل قلب عاشق روحـــه
قابل قلب وداوى جروحـه
قابل قلب وحس فى يوم ان
حياته وعمره معـــــاه
احساس جميل بالحب عايش
بين ضلوعه وقلبه شايـف
حب ماشي جوه دمـــه
حب ماحى كل همـــه
حب نفسه فى يوم يضمه
بين ايديــه ويحس انه
طير فى سما الحب طاير
حبيبي نفسي تكون بحبك
احلى حب حلمت بيــه
عيش بقلبك جوه قلبـي
عيش بكل حنانك فيه
نفسي اشوفك بين ايديا
نفسي احلم بين ايديك
نفسي تقرا اللى فى عينيا
هتشوف فيها خوفى عليك
فى غيابك ما تحن جفونى لبعضيها
فى غيابك بكون فى الدنيا ومش فيها
تايه بين دروب الدنيا حاير
خليك دايما بين ايديا
خليك تملى قصاد عينيا
بعادك صعب كتير عليا

بجد يا دوحا انت حساس وشعرك كله كلامه جميل قوى وانا حسيته جدا ياريت تكتب كتيرعلشان انا بحب الشعر قوى

بجد يا دوحا انت حساس وشعرك كله كلامه جميل قوى وانا حسيته جدا ياريت تكتب كتيرعلشان انا بحب الشعر قوى

السلام عليكم ورحمة الله وبركاتة
اول مداد قلمى على صفحات عيونكم
تسبقنى اللهفة قبل يدى عند رؤية اسم
دوحا
ودهشت حين قرات هذا السيل العارم
من المشاعر الجياشة ومفردات اللغة
واساليب التشبية وقوتها
اللهم لا حسد
..........
كان عايش قلبي فى يومه *** ولا عمرى نسيت شجونة
عايش بيدارى همومـــه *** ولا اقدر يوم اخونة
عايش فى دنيا غريبـــه *** شطأن لبحار جديدة
عايش فى شتاه وفى صيفه *** ولا عمرى شفت طيفة
عايش فى صفاه وغيومــه *** وكانى سباح فعومة
قابل قلب فى يوم وهـواه *** وعرفت معنى الحب معاة
قابل حب عرف معنــاه *** وعرف ان المولى هداة
قابل قلب عاشق روحـــه *** ولا اتمنيت غير بوحة
قابل قلب وداوى جروحـه *** وكانة طبيب لجروح روحة
قابل قلب وحس فى يوم ان *** الدنيا بقت وياة
حياته وعمره معـــــاه *** ولا غيرة يقدر يلقاة
احساس جميل بالحب عايش *** وابتسامة بالروح وشفايف
بين ضلوعه وقلبه شايـف *** الله على امانة مش خايف
حب ماشي جوه دمـــه *** بيعزف على كل عمرة
حب ماحى كل همـــه *** حب ناهى لكل امرة
حب نفسه فى يوم يضمه *** زى حضن ابن لامة
بين ايديــه ويحس انه*** اجمل طير فعش عمرة
طير فى سما الحب طاير*** ولا يوم قلبة حاير
حبيبي نفسي تكون بحبك*** واتمنى بقلبى اكون جمبك
احلى حب حلمت بيــه *** ومنايا العمر التقية
عيش بقلبك جوه قلبـي *** عيش بحبك جوة حبى
عيش بكل حنانك فيه *** وانعم بجنة سعادتة بية
نفسي اشوفك بين ايديا *** نفسى اقول للدنيا ديا
نفسي احلم بين ايديك *** نفسى اعزف لحنى فيك
نفسي تقرا اللى فى عينيا *** نفسى اقول اللى فعنيك
هتشوف فيها خوفى عليك *** ومش بقلبى لا بعنيك
فى غيابك ما تحن جفونى لبعضيها *** الا لما تنول امانيها
فى غيابك بكون فى الدنيا ومش فيها *** وما يطلع قمر لياليها
تايه بين دروب الدنيا حاير*** وانتا الخطاوى لكل ساير
خليك دايما بين ايديا*** سيبنى اعيش معاك بعنيا
خليك تملى قصاد عينيا *** وانتى تملك كلى فيا
بعادك صعب كتير عليا*** حرام احبك يا هدية
*** *** ***
*** ***
***
اسف جدا على المجاو رة
ولكن لحنك اجبرنى على العزف
خيالك اطلق العنان لقلمى
فاغفر لى جراتى فى محراب هذيانك
فكل ما اتمناة
ان اكون فى عالمك
وقت ممتع

نيس بجد يا دوحا و انا سعيد جدا انى اكتب ليك رد يليق بكلامك
و لكن عندى رد اقوى
ربنا يوفقك يا جميل و عاوزك تكتب تانى
لان  الاحساس الجميل ده يا ريت يتكرر

حبيبك

كمان عاوز اقولك  ان شعرك جميل جدا جدا

نيسكلمات واحساس بس جاي معايا منافسه؟؟؟ :bounce: مستني ردك وانا موافق انا عارف انك هتغلبني وتبهدلني بس الموضوع هيبقي جميل يويو منورنا ياعم الحج يا بتاع الحلزونه

تقريبا دودو بينافسنى بس مش مهم انا برضه الكويس على العموم انا مش عارف انت فى طب ولا فى اداب ما شاء الله عليك الله على احساسك بجد رائع ......................
احلم لوحدك.........احلم لنفسك........هى مش هتعيش فى حضنك...........راحت لغيرك ........شافت فى غيرك......حاجة بتعوضها حبك....خلاص باعت ومش فاكرة.....لا حب قديم ولا ذكرى.....ولا خوفك ولا دمعك....ولا امبارح ولا بكرة .....انت لازم تبقى عارف انها خسرانة بعدك......انت نفسك كنت شايف اد ايه تعبت فى بعدك.....انت ياما ادتها ياما.....سبت فيها ميت علامة.....هى اه خلتنا نبكى.......بس هى هتبكى ياما......احلم لوحدك احلم لنفسك يا قلبى
اقرا انت بقى وقولى يا دودو حبيبك كوكو

نايس يا دووووووووووووووووحا حلوه اوي متكسلش واكتب تاني ماشي javascript:emoticonp('')
Sleep

ميرسي ليكم كلكم على كل كلمة كتبتوها
ميرسي يا همسة على زوقك
ميرسي يا دكتور عصام على الرد الجميل ده
ميرسي يا احمد على ردك
ميرسي يا مدام مصرية بجد الموضوع كله انى مش كنت بقيم اللى انا بكتبه
فمش كنت حابب انى اقوله علشان مش عارف اا كان كويس ولا لا
ميرسي يا محمد ريسنا بجد وراعى كل نشاط
ميرسي يا كويس يابن الناس الكويسين (كلمة لا تنفصل عن صاحبها)
ميرسي يا احمد جابر يا رب اشوفك دكتور كبير
ميرسي يا مصري بس انا مش انفع ادخل فى كنافسة معاك ولا مع الكويس

nice klmat we msha3er we 37sas ya do7a begad

دوحا بسم الله ما شاء الله علي ده احساس بجد احساسك عالي مووووووووووووووت . اوعي تبطل تكتب شعر

' السلام عليكم
دكتور مدحت بجد ادهشتني دا كله ومخبي ؟
وبجد نايس كلمات ونايس احساس ربنا يوفقك يارب
حبيبي يا هشـــــــــــــــــــــــــام

الله الله بجد نايس حب ونايس مشاعر بجد انت طلعت فنان يا دوحا كنت مخبى دة كلة فين لا بجد كلمات تمام واحساس تمام
مستنين المزيد والى الامام

بص يا صاحبى
حاول يفضل شعرك ليك
مش للناس
قلبك لما ينادى عليك
ويمليك
متزودش كلام وخلاص
اياك تكتب غير احساس
واما تلاقى يا صاحبى قصيدتك
ليها فى قلبك الف اساس
تبقى دخلت قلفوب الناس