احنا الشباب

موضوع: احنا الشباب الأحد أغسطس 12, 2007 4:44 pm

الشباب
احنا الشباب اللي احترفنا القاعده علي الرصيف
احنا الشباب تعرفنا من الجيب النضيف
احنا الشباب اللي في ربيع العمر بنستني الخريف
احنا الشباب لبسين القميص اللي طالع عينه لبس ولسه متهراش
والبنطلون الجينز اللي ملبوس من سنه ولسه مشتكاش . هو اشتكي بس احنا مسمعناش
والكوتشي الاديداس اللي كعبه ونعله من المشي باش
احنا الشباب اللي شال احلامه علي ضهره في الشنطه القماش
احنا تلاقينا قادين علي القهاوي قبل ما نتحال علي المعاش
احنا اللي الزمان ادانا فوق دماغنا كتير وشكله لسه مكتفاش
احنا اللي بنقضي شبابنا حزن وصبر وذهول وخوف واندهاش

احنا اللي بندور علي حته نقعد فيها في اتوبيس الحياه -التاكسي لأ التكاسي ده لليي معاه
اسألنا احنا متسألش اللي بيتضايق من وقفه في المشاه- اسألنا احنا اللي يا ما كعبلتنا خطوط المشاه
احنا اللي بنخلل في الكليه ولما نطلع نقعد في البيت كالحريم- كل يوم نسمع عن فرصة عمل - ونقول فلتحيا الحكومه وليحيا الزعيم - نبات الليل بنحلم بالوظيفه وفلوسها والبيت والنعيم
ونروح نلاقي كوسايه تقول يا غشيم
احنا الشباب رغم الهباب -عايشين علي دماغنا النضيفه
غلوا السجاير واحنا ملنا فلتحيا الكوكو سيجارتهم الضعيفه
احنا الشباب اللي بندوحر مع الدجنيا واخدينها بالدراع رغم اجسادنا النحيفه - احنا اللي لفينا البلد حته حته رغم الزحاماحنا اللي ساعات بنقدر نقف في الطابور رغم شلاليط الدنيا العنيفه
احنا اللي لفينا البلد دي حته حته رغم الزحام
احنا اللي خلصنا الدموع وخلصنا الكلام بس مخلصناش الضحك والتريقه والاببتسام
مش عاوزين غير اوضه باربع جدران وباب ولمبه نقرا علي نورها اللي مكتوب في الكتاب
وعنوان نكتبه علي ضهر الجواب
عنوانا احنا
احنا الشباب
Dr.ElMaSrY